Kirmanckî

Bermal Çem ra deyîr û klîbêko newe: 'Evîna Ararat'

Hunermende Bermal Çem, semedê vîrardîşê gerîlaya şehîde Ararat Zerzevane bi nameyê ‘Evîna Ararat’ yew deyîre û klîbêko newe amade kerd.

•
1 deqe xwendin
Bermal Çem ra deyîr û klîbêko newe: 'Evîna Ararat'
Abdullah Esen

Hunermende Bermal Çem, semedê vîrardîşê gerîlaya şehîde Ararat Zerzevane bi nameyê ‘Evîna Ararat’ yew deyîre û klîbêko newe amade kerd.

Hunermende Bermal Çem ke hîkayeya trajîke ya Ararat Zerzevane ra bander bîye, hîsê xo kerdî şîîre û bi hemkarîya Memo Gul û Mazlûm Rewşenî yew deyîre amade kerde.

Gerîlaya şehîde Ararat Zerzevane, domanîya xo ra nata tim varan ra hes kerdêne, wexto ke varan varayêne tim vejîyayêne teber, verê varanî û varan hembêz kerdêne. Ararate dima ke bîye gerîla zî no edetê xo domna, la mixabin serra 2021î de wexto ke reyna vejîyaya verê varanî, koyanê Kurdîstanî de çirûske pira daye û cuya xo dest ra daye.

Bermal Çeme semedê na deyîra ke viraşta, yew klîb zî amade kerd. Klîbo ke hetê Art Records Produksiyonî ra ameyo viraştene, bi derhênerîya Tarik Demîrî ameyo antene. Klîp, qenala Art Recordsî ya YouTube de ame weşanayene.

Nûçeyên Eleqedar

Netîcenameyê Konferansê Ziwanê Kurdkî ame eşkerakerdiş: Konferans vîzyonêk dîyar kerdKirmanckî

Netîcenameyê Konferansê Ziwanê Kurdkî ame eşkerakerdiş: Konferans vîzyonêk dîyar kerd

Sazîyanê Ziwanê Kurdkî yê şaristananê Vakurê Kurdîstanî û Tirkîya bi şîara "Statu ra Heta Perwerdeyî Seba Muzakereyî Çarçiwayêka Newîye" Amed de Konferansê Ziwanê Kurdkî viraşt û qerarê girîngî yê konferansî rayapêroyîye dir pare kerdî. Eşkera de Endamê Heyetê Amedekar ê Konferansê Ziwanê Kurdkî Mehmet Şahîn va ke konferansê înan seba kar û barê ziwanî vîzyonêk dîyar kerd û wina va: “Binyadê na vîzyone ena wa; do xebatê seba ziwanî çarçiwaya pawitişî ra bivejîyê. Averberdiş û şuxulnayîşê kurdkî do zey hewdanêkê awankarî yê ciwîyayîşê neteweyî û demokratîkî bêro ramitene.”

3 Tîrmeh 20261 deqe xwendin